प्रदेश मांय चाल रह्या सड़क सुरक्षा अभियान रे तैत लोगां मांय सुरक्षित ड्राईविंग अर यातायात नियमां री पालना री कानी ऊं जाग जगाई जा री है। 4 नवम्बर सूं सरू व्हीयो यो अभियान 18 नवम्बर तांई चालेला। इण दौरान पुलिस, परिवहन अर दूजा महकमा री भेळा मांय मुहिम रे तैत नियमां री अणदेखी करबा वाळा वाहन चालकां माथे कार्रवाई करी जा री है। भरतपुर सूं म्हांका खबरनवीस बताया के सड़क सुरक्षा अभियान रे तैत परिवहन महकमा री टीम राष्ट्रीय राजमार्गां समेत शहर मांय ठोड़-ठोड़ वाहन चालकां ने रोक र सीट बैल्ट लगाबा अर हैलमेट पहनबा रा फायदा बता रह्या है।