प्रदेश मांय चाल रह्या खेलो इंडिया यूनिवर्सिटी गेम्स मांय मंगलवार ने राजस्थान सारू बीकानेर रा महाराजा गंगासिंह विश्वविद्यालय रा मानव सारदा पुरूषां री 40 किलोमीटर इंडीविजुअल टाइम ट्रायल मांय सोना रो तमगो जीत्यो। आं खेलां मांय सड़क माथे साइकिल चलावण री होड़ मांय इण ई विश्वविद्यालय री पूजा बिश्नोई चांदी रो तमगो जीत्यो। ईं होड़ मांय ओ मेजबान राजस्थान रो पहलो तमगो है। पूजा 30 किलोमीटर टाइम ट्रायल मांय 46 मिनिट 52 सेकंड रो बगत लीनो। होड़ मांय सोना रो तमगो गुरूनानक देव युनिवर्सिटी री मीनाक्षी रोहिल्ला जीत्यो। जयपुर मांय व्ही निशानेबाजी री 10 मीटर एयर राइफल होड़ मांय लवली प्रोफेशन यूनिवर्सिटी सोना रो तमगो जीत्यो। बीकानेर मांय महिलावां री वजन ऊंचावण री होड़ रा 48 किलोग्राम भार वर्ग मांय शिवाजी युनिवर्सिटी री काजोल सरगर सोना रो तमगो जीत्यो। फुटबॉल मांय तमिलनाडू री अन्नामलाई युनिवर्सिटी गोवा युनिवर्सिटी ने अर हॉकी मांय एम.डी. युनिवर्सिटी हरियाणा लवली प्रोफेशनल युनिवर्सिटी ने शिकस्त दीनी।