प्रदेश मांय चलाया जा रह्या शहरी अर ग्रामीण सेवा अभियान रा तैत न्यारी-न्यारी ठौड़ां शिविर लगा र जनता तांई सरकारी योजनावां रो फायदो पूगायो जा रह्यो है अर मौके ई परेशानियां दूर करी जा रही है। ईं सागे ई न्यारी-न्यारी ठौड़ां स्वास्थ्य नारी सशक्त परिवार अभियान रा तैत शिविर लगाया जा रह्या है, ज्यां मांय मोटी तादाद मांय लोग पूग रह्या है। न्यारा-न्यारा ज़िलां मांय प्रभारी मंत्री अर अहलकार जा र आं शिविरां रो जायज़ो ले रह्या है। उपमुख्यमंत्री दिया कुमारी बुधवार ने अजमेर ज़िला रा किशनगढ़ मांय लगायी ज्या शहरी सेवा शिविर रो दौरो कीनो। ईं मौके वे सरकारी योजनावां रो फायदो लेवण वाळा पात्र लोगां ने मकाना रा पट्टा दीना अर प्रधानमंत्री आवास योजना रा तैत चैक दीना। उपमुख्यमंत्री 6 महीना री उम्र रा बच्चां रो अन्न प्राशन संस्कार ई करवायो। ईं मौके वे कह्यो के सरकार कानी चलायी जा रही जनता रा भला री योजनावां रो फायदो लोगां ने मिल रह्यो है।