प्रदेश मांय चलाया जा रह्या ‘वंदे गंगा‘ जल संरक्षण-जन अभियान’ रा तैत कर्या जा रह्या कामां रे ज़रिए पाणी रा स्त्रोतां ने और बेहतर बणावण, साफ-सफाई अर पाणी बचावण रो संदेश दियो जा रह्यो है। मुख्यमंत्री भजनलाल शर्मा थावर ने अजमेर मांय आना सागर झील माथे श्रमदान कीनो। ईं दौरान विधानसभा अध्यक्ष वासुदेव देवनानी, केन्द्रीय कृषि अर किसान कल्याण राज्यमंत्री भागीरथ चौधरी ई मुख्यमंत्री सागे हा। भरतपुर मांय अभियान रा तहत पौधा रोपण सारु ठौडां़ री पिछाण करीजी। हनुमानगढ़ ज़िला रा गोलूवाला हलका मांय नहर री सफ़ाई करी ज्यी। झालावाड़ मांय जल संरक्षण संवाद कार्यक्रम अर पाली मांय पोस्टर होड़ राख्यी ज्यी। पाली मांय राख्यी ज्यी पोस्टर होड़ मांय शिरकत करण वाळा साफ-सफाई, पौधा रोपण अर पाणी बचावण सारू संदेश दीनो। जन स्वास्थ्य अभियांत्रिकी मंत्री कन्हैया लाल चौधरी झुंझुनूं ज़िला रा मलसीसर मांय पौधा रोप्या। ईं मौके वे कह्यो के वंदे गंगा‘ जल संरक्षण-जन अभियान ऊं सीख ले र सगळां ने पाणी बचावण रो संकल्प लेवणो व्हेला।