प्रदेश मांय चलाया जा रह्या “शुद्ध आहार- मिलावट पर वार“ अभियान रे तैत जयपुर मांय खाद्य सुरक्षा दल बरोबर खावण री चीजां रा नमूना ले रह्या है। जिला कलेक्टर डॉ. जितेंद्र कुमार सोनी रा निर्देश माथे बणायी ज्यी टीम काले न्यारी-न्यारी दुकानां अर ठिकाणा उं खावण री चीजां रा नमूना लिया। वठे ई मुख्य चिकित्सा अर स्वास्थ्य अहलकार जयपुर द्वितीय री टीम सीतापुरा औद्योगिक हलकां मांय एक ठिकाणा उं शुगर कोटेड सौंफ रो सैंपल लियो, वठे ई दूजा ठोड़ां उं मिर्च, हळदी अर धनिया पाउडर रा सैम्पल लिया। आं सगळा नमूना ने जांच सारू प्रयोगशाला भेजा जायेला अर नतीजो मिलण माथे कानूनी कार्यवाही करी जायेला।