प्रदेश मांय घणखरी ठोडां माथे ठण्ड रो असर बढ रियो है। शेखावाटी अंचल मांय लारला तीन दिनां मांय शीतलहर रो असर है। सीकर रा फतेहपुर मांय दीतवार ने कम-ऊं-कम तापमान 5 दशमलव 2 डिग्री सेल्सियस दर्ज कर्यो गयो। वठी ने नागौर मांय रात रो तापमान 5 दशमलव 3 डिग्री सैल्सियस रह्यो। पहाड़ी राज्यां सूं आ री ठण्डी हवा री वजह सूं बत्ती ठोडां माथे रात रो पारा 12 डिग्री सेल्सियस सूं नीचे दर्ज व्हीयो। बारां, दौसा, करौली, चूरू अर बीकानेर जिला रा लूणकरणसर मांय कम-ऊ-कम तापमान 8 डिग्री सेल्सियस सूं नीचे रियो। कुछेक ठोडां माथे संवारे देर तांई कोहरो छायो रियो। नागौर जिला मांय लारला एक सप्ताह मांय कम ऊ कम तापमान मांय लगातार गिरावट दर्ज करी जा री है। म्हाका खबरनवीस बतायो के इण सूं जनजीवन माथे घणो असर पड् रियो है। मौसम केन्द्र जयपुर रे मुजब आवता एक हफ्ता मौसम सूखो रह सके है। वठी ने आवता 48 घंटां मांय प्रदेश मांय कुछेक ठोडां माथे शीतलहर चाल सके है।