प्रदेश मांय घणकरी ठौड़ां मौसम सुहावणो बण्योड़ो है। दिन री बगत धूप थोड़ी तेज़ है फेरू ई उमस अर गर्मी रो एहसास नी है। वठे ई रात री बगत हल्की ठण्ड मौसम ने खुशनुमा बणा री है लारला 24 घंटां मांय सिरोही अर जालौर मांय कमती रो तापमान 15 डिग्री सेल्सियस रे आरे-सारे रियो। वठे ई 15 दूजा शहरां मांय रात रो तापमान 20 डिग्री सेल्सियस ऊँ नीचे दर्ज करी ज्यो। दिन री बगत रो बत्ती रो तापमान बाड़मेर मांय साढे 37 डिग्री सेल्सियस दर्ज व्ह्यो। चित्तौड़गढ़, जैसलमेर, फलौदी अर श्रीगंगानगर मांय पारो 35 डिग्री सेल्सियस ऊँ ऊपर रियो। उठिने, सीकर, झुंझुनूं अर चूरू मांय सांझ-संवारां ठंड री रंगत गुलाबी निज़र आवण लागी है। चूरू ऊँ म्हाणा खबरनवीस बतायो के ई बार चोखी बिरखा रे कारण सर्दी बेगी आयी है।