प्रदेश मांय गुरूवार ने गर्मी रो असर ओजू बध ग्यो। लारला 24 घंटां मांय 22 शहरां मांय पारो 40 डिग्री सेल्सियस ने पार कर ग्यो। मौसम महकमा रे मुजब सब ऊं बत्तो 45 डिग्री सेल्सियस तापमान श्रीगंगानगर मांय दर्ज करी ज्यो। ईं बीचे विभाग गुरूवार ने अजमेर, जयपुर, कोटा अर उदयपुर संभाग मांय कठे-कठे ज़ोरदार बायरो बाजण सागे हल्की बारिश रा आसार जताया है। मौसम केन्द्र जयपुर रा निदेशक राधेश्याम शर्मा बतायो के राज्य रा आतूणी हलकां मांय आवता दिनां लू बाजण री शंका है, जदके उतराद हलकां मांय कठे-कठे- आंधी चालण री संभावना है।