प्रदेश मांय कड़ाका री ठण्ड रो असर है। कम ऊँ कम तापमान मांय गिरावट रे चालता दीतवार ने सुंवारे केई ठौड़ां माथे बर्फ री हल्की परत देखी गई है। बीती रात राज्य मांय सब ऊँ कम माइनस तीन दशमलव 4 डिग्री सेल्सियस तापमान सीकर ज़िला रा फतेहपुर मांय दर्ज कर्यो गयो। सीकर, झुन्झुनू, नागौर समेत केई ज़िलां मांय सुवांरे घनो कोहरा छायो रह्यो इण वजह सूं लोगां ने दिखबा मांय परेशानी व्ही, लोगां अर गाड़ियां री आवाजाही माथे भी इण रो घणो असर पड़्यो। मौसम केन्द्र जयपुर रे मुजब उत्तरी हलका सूं आ री ठण्डी हवावां रे चालता मकर संक्राति तांई राज्य मांय ठण्ड रो गाढो असर रह सके है। इण दौरान तापमान मांय 1 सू 2 डिग्री सेल्सियस तांई री गिरावट आ सके है।