प्रधानमंत्री नरेन्द्र मोदी आज छठ पर्व री सरूआत रे मौके जनता ने बधाई दीनी है। सोशल मीडिया पोस्ट मांय वे उपवास राखण वाळा सगळा लोगां ने शुभकामनावां दीनी। प्रदेश मांय ई केई ठोडां छठ पर्व मनायो जा रह्यो है। पाली मांय महिलावां घरां मांय पूजा-अर्चना कर र व्रत री शुरुआत कीनी। वठे लाखोटिया रा छठ घाट माथे ई साफ-सफाई कर र पूजा री तैयारी करीजी। रेलवे छठ पर्व रे मौके कोटा ऊं पटना बीच खास रेलगाड़ी चलावण रो फैसलो कीनो है। आ गाड़ी पटना ऊं 9 नवम्बर अर कोटा ऊं 10 नवम्बर ने चालेला।