प्रदेश मांय किसानां ने यूरिया खाद री लगातार पूर्ति तय करण रा मकसद ऊं सोमवार ने जयपुर मांय कृषि विभाग री खास मीटिंग व्ही। उर्वरक मंत्रालय रा निदेशक अभय कुमार शर्मा ई ईं मीटिंग मांय वीडियो कॉन्फ्रेस रे जरिये शामिल व्ह्या। ईं दौरान वे प्रदेश मांय खाद री पूर्ति करण वाळी कम्पनियां ने ईं महीना रा पहला सप्ताह मांय 1 लाख 8 हजार मीट्रिक टन यूरिया री पूर्ति करण रा हुकम दीना। मीटिंग मांय कृषि आयुक्त चिन्मयी गोपाल राज्य मांय खेती-बाड़ी रा आवता सीज़न सारू यूरिया री मांग, उपलब्ध स्टॉक, वितरण व्यवस्था अर इण ने किसानां तांई पूगावण ऊं जुड़ी प्रक्रिया री विगतवार जाणकारी दीनी।