प्रदेश मांय करवा चौथ शुक्रवार ने हरख-उमाव अर धार्मिक आस्था सागे मनायी ज्यी। सवाईमाधोपुर ज़िला मांय चौथ का बरवाड़ा रा चौथ माता मिन्दर मांय माता रा दर्शन सारू सजी-धजी महिलावां री लंबी लेणां निजर आयी। ईं मौके महिलावां धणी री लंबी उम्र री कामना करता थकां खास पूजा-अर्चना कर रही है। म्हाणा सवाईमाधोपुर खबरनवीस बतायो के मोटी तादाद मांय महिला जातरू रणथम्भौर किला माथे रा त्रिनैत्र गणेश मिन्दर मांय ई दर्शन सारू पूगी। भीलवाड़ा ज़िला रा रायला मांय करीब 100 साल जूना चौथ माता मिन्दर मांय ई करवा चौथ रे मौके खास पूजा-अर्चना सागे मेळो भर्यो। सलूंबर रा बाज़ारा मांय ई करवा चौथ री खरीदी सारू आखा दिन मोटी तादाद मांय ग्राहकां री आवा-जाही रही। सुहागिणां बर्तन, चूड़ियां, साड़ियां अर सजावटी सामान री खरीदी कीनी।