राज्य मांय व्हेवण वाळी भर्ती परीक्षावां रा पेपर लीक व्हेवण ऊँ रोकण सारू बणायी ज्यी खास जांच टीम एसआईटी रा काम ऊँ ईं साल 6 नवंबर तांई आरपीएससी, आरएसएसबी अर दूजा संस्थानां कानी ऊँ लीरीजी 296 परीक्षावां रा पेपर लीक नी व्ह्या। एटीएस अर एसओजी रा एडीजी विशाल बंसल आ जाणकारी दीनी। श्री बंसल बतायो के एसआईटी 138 मामला दर्ज कर र 394 आरोपितां ने गिरफ्तार कीना। वे बतायो के लारला दो साल मांय 92 हजार ऊँ बत्ता लोगां ने नौकरी दीरीजी अर 1 लाख 53 हज़ार ओहदां माथे भर्ती रो काम चाल रह्यो है।