प्रदेश मांय आज सूं राष्ट्रीय पोषण माह री सरूआत व्हेगी है। इण रे चालता एक म्हीने तांई महिलावां अर टाबरां रे पोषण ने बधावो देणे अर वांणे चौखे स्वास्थ्य री गतिविधियां चालेला। उपमुख्यमंत्री अर महिला एवं बाल विकास मंत्री दिया कुमारी बतायो के प्रधानमंत्री मातृ वन्दना योजना रे तहत दिव्यांग गर्भवती महिलावां ने पहली संतान रे खातिर वर्तमान मांय दी जा रही रकम 6500 रूप्या रे जगे माथे अबे 01 सितंबर सूं बधा र 10 हजार रूप्या करयो गयो है। वणां बतायो के आ योजना महिलावां रे सशक्तिकरण खातिर मजबूत कदम है। ध्यानजोग है के बरस 2018 मांय प्रधानमंत्री नरेन्द्र मोदी राजस्थान रा झुंझुनूं मांय राष्ट्रीय पोषण मिशन री सरूआत करी ही।