जयपुर मांय काल पुलिस रा अहलकारां रो राज्य स्तर रो सम्मेलन सरू व्हेला। मुख्यमंत्री भजन लाल शर्मा रो राजस्थान पुलिस अकादमी मांय राख्या जावण वाळा दो दिन रा ईं सम्मेलन रो उद्घाटन करण रो कार्यक्रम है। सम्मेलन मांय प्रदेश रा सगळा ज़िलां रा एस.पी., रेंज आईजी अर पुलिस मुख्यालय रा आला अहलकार शामिल व्हेला। सम्मेलण मांय पुलिस रा कामकाज रा तरीका ने नुवी तकनीक री मदद ऊं करण सागे ई कानून-व्यवस्था ने मजबूत बणावण रा बारा मांय चर्चा करी जावेला। ईं सम्मेलन मांय छत्तीसगढ़ रा रायपुर मांय व्ही राष्ट्रीय डीजी-आईजी कॉन्फ्रेंस मांय करी ज्या फैसलां ने राज्य मांय लागू करण रो मजमून तैयार कर्यो जावेला। सम्मेलन रा न्यारा-न्यारा सत्रां मांय साइबर अपराधां री रोकथाम, महिलावां री हिफाजत अर आतंकवाद रे खिलाफ उपायां रा बारा मांय पुलिस रा आला अहलकार जाणकारियां साझा करेला।