जयपुर मांय बुधवार एंटी-नारकोटिक्स टास्क फोर्स-एएनटीएफ रो नुवो दफ्तर खुल्यो। पुलिस महानिदेशक राजीव कुमार शर्मा इण रो उद्घाटन कीनो। ईं मौके वे कह्यो के एएनटीएफ ने वां रो मकसद पूरो करण सारू ज़रूरी सगळा साधन मुहैया कराया जावेला। श्री शर्मा कह्यो के नशा ऊं जुड़ी हलचल रोकण सारू केंद्र अर राज्य री एजेंसियां कानी ऊं मिल र काम करण री सरूआत करीजी है। डी.जी.पी. कह्यो के नशीली चीजां ने एक ऊं दूजा राज्य मांय लावण-ले-जावण माथे रोक लगावण सारू हर संभव कोशिश करी जा रही है।