पीएम-कुसुम योजना रा तैत किसानां ने दिन मांय ई बिजली मुहैया करावण सारु जयपुर डिस्कॉम हलका मांय सूरज री रोशनी ऊं बिजली बणावण रा काल एक ही दिन मांय 5 नुवा संयंत्र लगायी ज्या, ज्यां ऊं 1 हज़ार 300 ऊं बत्ता ग्राहकां ने फायदो मिलेला। ईं सागे ई जयपुर डिस्कॉम हलका मांय हाल तांई ऐड़ा 121 कारखाना सरू व्हे ग्या है। आं ऊं दो सौ 37 मेगावॉट बिजली बण रही है, जिण ऊं चौबीस हजार ऊं बत्ता काश्तकारां ने दिन मांय ई बिजली मिल रही है। राज्य मांय सूरज री रोशनी ऊं बिजली बणावण रा हाल तांई 1 हजार 18 कारखाना लगा दिया ज्या है, ज्यां ऊं 2 हज़ार 170 मेगावाट बिजली मिल रही है। सब ऊं बत्ता 780 संयंत्र जोधपुर डिस्कॉम हलका मांय लगायी ज्या है।