राजस्थान डिस्कॉम्स ने पीएम-कुसुम योजना रे तैत चोखे काम खातिर गोल्ड अवॉर्ड सूं सम्मानित कर्यो गयो है। नुवी दिल्ली मांय राख्यी ज्या ऑल इण्डिया डिस्कॉम्स एसोसिएशन रा सालाना जळसा मांय केंद्रीय विद्युत मंत्री मनोहर लाल डिस्कॉम्स री अध्यक्ष आरती डोगरा ने ओ पुरूस्कार दियो। प्रदेश मांय इण योजना रे जरिये अबे तांई एक हजार 307 सौर ऊर्जा संयंत्र थापित कर्या ज्या चुक्या है। इण सूं एक लाख 41 हजार सूं बत्ती काश्तकारां ने खेती रे काम खातिर दिन मांय बिजली मिळ री है। ऊर्जा मंत्री हीरालाल नागर इण उपलब्धि माथे महकमा रा कार्मिकां ने बधाई दी। वणा कयो कि राज्य ऊर्जा खेतर मांय आत्मनिर्भरता री कानी बध रियो है।