पांचवां खेलो इंडिया यूनिवर्सिटी गेम्स सोमवार ने जयपुर मांय सरू व्ह्या। जयपुर रा सवाई मानसिंह स्टेडियम मांय उद्घाटन जळसो राख्यो जा रह्यो है। इण मांय मुख्यमंत्री भजन लाल शर्मा, केन्द्रीय युवा मामलात अर खेल मंत्री मनसुख मांडविया अर राज्य रा खेल मंत्री कर्नल राज्यवर्द्धन सिंह राठौड़ ई शामिल व्हे रह्या है। जळसा मांय पुलिस बैंड री प्रस्तुति सागे राज्य री कला अर संस्कृति रो दरसाव निजर आवेला। ईं दौरान प्रधानमंत्री रो संदेश ई बांच्यो जावेला। इण मांय देशभर रा 230 विश्वविद्यालयां रा करीब पांच हजार विद्यार्थी-एथलीट 23 होड़ा मांय शामिल व्हे रह्या है। राज्य मांय पैली दफ़ा व्हे रह्या आं खेलां सारू जनता मांय उमाव निजर आ रह्यो है। एक नौजवान कह्यो की इण ऊँ राज्य रा खिलाड़ियां ने बधावो मिलेला। एक और खिलाड़ी ई वां रो अनुभव बतायो।