पंचायतीराज मंत्री मदन दिलावर कह्यो है के ग्राम पंचायतां री सफाई व्यवस्था मांय लापरवाही बर्दाश्त नी करी जावेला। श्री दिलावर थावर ने बाड़मेर ज़िला रा उडंखा अर राणीगांव मांय सफाई व्यवस्था रो जायजो लेवण रे दौरान आ बात कही। वे ग्राम पंचायतां रा सफाई अभियान मांय सुधार लावण माथे जोर दीनो। पंचायतीराज मंत्री कह्यो के ग्राम पंचायतां मांय सफाई रा काम मांय लापरवाही करण वाळा अहलकारां, कर्मचारियां अर जनता रा नुमाइन्दां रे खिलाफ़ कार्यवाही करी जावेला। श्री दिलावर गांव वाळां सागे बातचीत कर र वां ने ग्राम पंचायतां मांय साफ-सफाई राखण बाबत् कह्यो।