निर्वाचन आयोग प्रदेश मांय वोटर लिस्टां रा विशेष गहन पुनरीक्षण रो काम सरू कर दीनो है। मुख्य निर्वाचन अधिकारी नवीन महाजन मंगलवार ने जयपुर मांय खबरनवीसां ने पुनरीक्षण रा काम री विगतवार जाणकारी दीनी। वे बतायो के ईं बारा मांय बुधवार ने सियासी पार्टिंयां रा नेतावां अर ज़िला कलेक्टरां सागे मीटिंग करी जावेला। श्री महाजन बतायो के 4 नवम्बर ऊँ चार दिसम्बर तांई गणना प्रपत्र बांटण अर भरी ज्या फॉर्म पाछा लेवण रो काम कर्यो जावेला। वे बतायो के ई सारू कर्मचारियां री सिखावण मंगलवार ने सरू व्हे ग्यी। श्री महाजन बतायो के विशेष पुनरीक्षण बाबत् स्कूल-कॉलेजां अर पंचायत लेवल माथे ऑनलाइन अर्जियां देवण सारू जाग जगावण रो अभियान चलायो जावेला।