नगरीय विकास विभाग सगळा निकायां मांय सड़कां माथे हिफाज़त तैय करण सारु खास अभियान चलायो है। ईं अभियान रो मकसद फुटपाथ अर सड़कां माथे गैर-कानूनी कब्ज़ा हटावणो, अनाधिकृत रोड़ कट बंद करणा अर डिवाइडर अर फुटपाथ री मरम्मत करणो है। ईं सागे ई आवण-जावण ऊं जुड़ी जाणकारी देवण वाळा बोर्ड लगावण अर मैनहोल रा टूट्योड़ा ढक्कण ठीक करण रा काम ई कर्या जावेला। संबंधित नगरीय निकाय ने सीबीयूडी एप माथे खुदाई रा कामां रो ब्यौरो देवणो ज़रूरी व्हेला।