बुधवार ने संविधान हत्या दिवस मनायी ज्यो। देष मांय साल 1975 मांय लगायी ज्या आपातकाल रा 50 साल पूरा व्हेवण रे मौके प्रधानमंत्री नरेन्द्र मोदी लोकतंत्र बचावण वाळां ने सिरधाभाव सागे याद कीना। संवैधानिक मूल्यां माथे करी ज्या हमला ने याद करता थकां प्रधानमंत्री कह्यो के आपातकाल लागू कर र जनता रा मौलिक अधिकारां ने निलम्बित करी ज्या,प्रेस री आज़ादी खत्म करी ज्यी अर लाखां लोगां ने कैदखाना मांय डाल दिया ज्या हा जिण ने देष रो कोई ई रेहवासी नी भूल सकेला। प्रधानमंत्री संवैधानिक सिद्धान्तां ने मज़बूत बणावण अर विकसित भारत री सोच ने सांची करण सारू मिल र काम करण रो संकल्प दोहरायो। संविधान हत्या दिवस रे मौके मुख्यमंत्री भजन लाल शर्मा जयपुर मांय राख्यी ज्या लोकतंत्र सेनानियां रा मान जळसा अर संगोष्ठी कार्यक्रम मांय षिरकत कीनी। ई मौके वे कह्यो के लोकतांत्रिक मूल्यां री हिफ़ाज़त करणो म्हां सगळां री ज़िम्मेदारी है। स्ंविधान हत्या दिवस रे मौके आखा राज्य मांय प्रदर्षनियां, संगोष्ठियां अर दूजा कार्यक्रम राख्यी ज्या। बांसवाड़ा अर सवाईमाधोपुर समेत न्यारी-न्यारी ठौड़ां लोकतंत्र सेनानियां ने सिरधाभाव सागे याद करी ज्या। ध्यानजोग है के आपातकाल रे दौरान विपख रा जयप्रकाश नारायण, मोरारजी देसाई, अटल बिहारी वाजपेयी, लालकृष्ण आडवाणी समेत केई नेतावां ने आंतरिक सुरक्षा अधिनियम मीसा रा तैत गिरफ्तार करी ज्या हा अर करीब पैंतीस हज़ार लोगां ने बिना सुणवाई रे हिरासत मांय ले लिया ज्या हा।