देश रा 12 राज्यां मांय चाल रह्या वोटर लिस्टां रा खास गहन पुनरीक्षण कार्यक्रम रा तैत राजस्थान 4 करोड़ ऊँ बत्ता गणना प्रपत्र अपलोड कर र अव्व्ल है। मुख्य निर्वाचन अधिकारी नवीन महाजन आ जाणकारी दीनी। वे बतायो के विशेष गहन पुनरीक्षण-2026 रा काम रा तैत 1 हजार 800 ऊँ बत्ता बीएलओ रो मान करी ज्यो है। उदयपुर रा बाबूलाल पुजारी अर चित्तौड़गढ़ रा सूरजमल धाकड़ समेत न्यारा-न्यारा बी.एल.ओ. सौ फीसदी उपलब्धि हासिल कीनी है। सवाईमाधोपुर रा रिटायर्ड कर्मचारी कल्याणमल मीणा दिव्यांगता रे बावजूद टीमवर्क ऊँ मदद कीनी। श्री महाजन कह्यो के अ बीएलओ साबित कीनो है के किण ई मोटा लक्ष्य ने हासिल करण सारू शरीर री नहीं बल्कि मन स्वस्थ व्हेवणो जरूरी है।