देश रा लोक प्रसारक प्रसार भारती री पहल परां विकसित करी ज्यो ओटीटी प्लेटफॉर्म वेव्स एंड्रॉइड अर आईओएस प्लेटफॉर्म माथे मुफ़्त उपलब्ध है। वेव्स प्लेटफार्म माथे ज्यादातर चीजां पारिवारिक है। ओटीटी प्लेटफॉर्म वेव्स रा बारा मांय आज जयपुर मांय राख्यी ज्यी एक प्रेसवार्ता मांय जयपुर दूरदर्शन रा उप महानिदेशक सतीश देपाल कह्यो के वेव्स प्लेटफॉर्म माथे दूरदर्शन रा सगळा चैनलां सागे 74 लाइव टीवी चैनल ई उपलब्ध है। ईं सागे ई रेडियो चैनलां रा कार्यक्रम ई वेव्स प्लेटफॉर्म माथे सुण्या जा सके है। वे बतायो के ईं प्लेटफॉर्म माथे साढे 18 सौ ऊं बत्ती फिल्मां ई देखी जा सके है। श्री देपाल बतायो के ईं प्लेटफॉर्म माथे देखण वाळां रा हर वर्ग सारू 26 भाषावां अर बोलियां मांय कार्यक्रम देख्या अर सुण्या जा सके है। ?प्रेसवार्ता मांय आकाशवाणी जयपुर रा उप महानिदेशक लोकेश कुमार अर दूरदर्शन अर आकाशवाणी रा केई अहलकार मौजूद रह्या।