देश रा पहला प्रधानमंत्री पंडित जवाहरलाल नेहरू री जयंती शुक्रवार ने बाल दिवस रा तौर ऊं मणायी ज्यी। ईं मौके प्रदेशभर मांय न्यारा-न्यारा कार्यक्रमां रे जरिये नेहरू जी ने याद करी ज्या। झुंझुनूं मांय जिला कांग्रेस कमेटी री ओर ऊं पुष्पांजलि कार्यक्रम राख्यी ज्यो अर पंडित नेहरू री मूरत माथे सिरधा रा फूल चढाई ज्या। आज ही ज़िला मांय बाल अधिकार सप्ताह री सरूआत करीजी। इंडाली गांव रा राजकीय महात्मा गांधी अंग्रेजी माध्यम स्कूल मांय ईं सप्ताह री सरूआत रे मौके जिला विधिक सेवा प्राधिकरण री मदद ऊं बच्चां सारु विधिक साक्षरता शिविर ई लगायी ज्यो। सवाईमाधोपुर, पाली अर अजमेर मांय ई न्यारा-न्यारा स्कूल-कॉलेजां मांय खास कार्यक्रम राख्यी ज्या।