वोटर लिस्टां रा विशेष गहन पुनरीक्षण कार्यक्रम रा दूजा दौर रा तैत देश मांय हाल तांई 50 करोड़ 97 लाख मतदातावां तांई गणना प्रपत्र पूगाया जा चुक्या है। वोटर लिस्टां री मोटा पैमाना माथे जांच रो काम आवता साल 7 फरवरी ने वोटर लिस्टां री छपाई सागे पूरो व्हेला। राज्य मांय ई एसआईआर रा तैत मंगलवार ने पाली, करौली अर डीग ज़िला मांय शिविर लगायी ज्या। बारां रा ज़िला कलेक्टर रोहिताश्व सिंह तोमर खबरनवीसां ने बतायो के ज़िला मांय एसआईआर रा तैत हाल तांई 31 फीसदी फॉर्म्स डिज़िटल बणा दिया ज्या है। एसआईआर रा तैत गणना प्रपत्रां ने डिज़िटल बणावण रा काम मांय राजस्थान अगाड़ी है। चुनाव विभाग ऊँ मिली जाणकारी रे मुजब 1 करोड़ 65 लाख ऊँ बत्ता गणना प्रपत्र ईसीआई नेट माथे अपलोड कर दिया ज्या है। फॉर्म भरण मांय मदद करण सारू पाली रा आदिवासी हलकां री स्कूलां मांय खास शिविर लगाया जा रह्या है।