देश रा गांवाई हलकां मांय जल जीवन मिशन रा तैत 15 करोड़ घरां तांई नळ रे जरिये पाणी पूगा दियो ज्यो है। जल शक्ति मंत्री सी.आर. पाटिल शुक्रवार ने नई दिल्ली मांय सुजलम भारत सम्मेलन सारू विज़न मांय आ जाणकारी दीनी। वे देश रा हर रहवासी सारू लगातार पाणी मुहैया करावणो तैय करण रो सरकार रो इरादो ओजू बतायो। पाटिल कह्यो के ओ सम्मेलण पाणी बचावण बाबत् वैज्ञानिक अर लगातार तरीका बणावण सारू आखा देश मांय चलायी जा रही मुहिम रो हिस्सो है। जलशक्ति मंत्री कह्यो के मनरेगा फंड रो 65 फीसदी हिस्सो पाणी री घणी कमी वाळा हलकां ने दियो जावेला, ताकि ज़मीं हेटे पाणी रो लेवल ओजू ऊँचो लायो जा सके। ईं मौके वे जल संचय जन भागीदारी 1.0 पोथी रो विमोचन ई कीनो।