देश रा गांवांई हलकां मांय जल जीवन मिशन रा तहत हाल तांई 15 करोड़ 52 लाख ऊं बत्ता पिरवारां ने नळ रे ज़रिए पाणी मुहैया करायी ज्यो है। जलशक्ति मंत्री सी.आर. पाटिल लोकसभा मांय जलशक्ति मंत्रालय ऊं जुड़ी अनुदान मांगां माथे व्ही चर्चा रो जवाब देता थकां आ जाणकारी दीनी। वे कह्यो के मिशन री सरूआत रा साल 2019 मांय देश रा गांवाई हलकां मांय महज़ तीन करोड़ पिरवारां कने नळ रे ज़रिए पाणी पूगावण रा कनेक्शन हा। श्री पाटिल बतायो के मौजूदा केंद्र सरकार लारला यूपीए राज री तुलना मांय पीवण रा पाणी अर इण ऊं जुड़्या हलकां सारु बजट मांय चार गुणी बधोतरी कीनी।