देश रा आतूणी राज्यां रो सामुदायिक रेडियो सम्मेलन-सीआरएस गुरूवार ने जयपुर मांय सरू व्ह्यो। सूचना अर प्रसारण मंत्रालय री ओर ऊं भारतीय जनसंचार संस्थान-आईआईएमसी, नई दिल्ली री मदद ऊं राख्या जा रह्या दो दिन रा ईं सम्मेलन रो उद्घाटन संस्थान रा अपर महानिदेशक निमिष रुस्तोगी कीनो। ईं मौके वे कह्यो के गांवाई हलकां रा विकास मांय सामुदायिक रेडियो रो खास काम है अर सरकार आं ने लगातार बधावो दे रही है। ईं सम्मेलन रो मुद्दो है ‘‘भारत में सामुदायिक रेडियो के बीस वर्ष पूरे होने का उत्सव’’। सम्मेलन मांय सामुदायिक रेडियो स्टेशनां ऊं संबंधित मुद्दां माथे विचार कर्यो जा रह्यो है। सम्मेलन मांय महाराष्ट्र, मध्यप्रदेश, गुजरात अर राजस्थान रा सामुदायिक रेडियो स्टेशनां रा 100 ऊं बत्ता नुमाइंदा शिकरत कर रह्या है।