देश मांय 2025-26 सिंयाळू साखां री उपज 362 दशमलव 5 मिलियन टन करणो तैय करी ज्यो। केंद्रीय कृषि अर किसान कल्याण मंत्री शिवराज सिंह चौहान राष्ट्रीय कृषि सम्मेलन -रबी अभियान 2025 रे दौरान राज्य रा कृषि मंत्रियां सागे चर्चा पाछे नई दिल्ली मांय खबरनवीसां ने आ जाणकारी दीनी। वे बतायो के ईं साल लारला साल री तुलना मांय साखां री उपज 2 दशमलव 4 फीसदी बत्ती लेवणो तैय करी ज्यो है। वे भरोसो दिरायो के देश री जरूरतां पूरी करण सारू जरूरी बीज भंडार मौजूद है। मंत्री कह्यो के सम्मेलन रो मुद्दो “एक राष्ट्र, एक कृषि, एक टीम, खेती-बाड़ी रा हलका मांय तालमेल अर भागीदारी मजबूत करण ओड़ी खास कदम रो दरसाव करे है।