देश मांय लारला 11 साल मांय सूरज री रोशनी ऊं बिजली बणावण मांय 46 फीसदी री बधोतरी व्ही है। केन्द्रीय वाणिज्य अर उद्योग मंत्री पीयूष गोयल सोमवार ने नई दिल्ली मांय खबरनवीसां ने आ जाणकारी दीनी। वे बतायो के भारत अब दुनिया मांय कोयला रो चौथो मोटो शोधन केन्द्र है। श्री गोयल कह्यो के हवा ऊं बिजली बणावण रो बूतो ई बध र 53 गीगावाट व्हे ग्यो है। केन्द्रीय मंत्री कह्यो के साल 2014 ऊं सरकार केवल नतीजां माथे ध्यान दीनो है अर लारला 11 साल मांय ऊर्जा हलका मांय मोटा बदलाव व्ह्या है।