देश मांय पहली दफ़ा व्हेवण वाळी जातिगत जनगणना सारू सोमवार ने अधिसूचना जारी कर दीरीजी। जनता री गिणती रा काम सारू करीब 34 लाख प्रगणक अर सुपरवाईजर अर करीब एक लाख तीस हजार जनगणना पदाधिकारी तैनात कर्या जावेला। आ जनगणना मोबाइल एप्लीकेशन रे जरिए डिजिटल तरीका ऊं करी जावेला। जणता री गिणती री संदर्भ तिथि पहली मार्च 2027 व्हेला। केन्द्र रा राज वाळा प्रदेशां लद्दाख अर जम्मू-कश्मीर अर हिमाचल प्रदेश अर उत्तराखंड राज्य मांय जनगणना पहली अक्तूबर 2026 ऊं करायी जावेला। दो दौर मांय करायी जावण वाळी जनगणना री अधिसूचना सोमवार ने जारी कर दीरीजी। जनगणना रा पैला दौर मांय हर पिरवार रा घर रा हालात, माल-असबाब अर सुबीतां रा बारा मांय जाणकारी ली जावेला। दूजा दौर मांय हर जणा री जनसांख्यिकीय, सामाजिक-आर्थिक, सांस्कृतिक अर दूजी जाणकारी भेळी करी जावेला। आ भारत री 16वीं अर आज़ादी पाछे 8वीं राष्ट्रीय जनगणना व्हेला।