देश मांय एसआईआर प्रक्रिया रा दूजा चरण रे तैत अजे तांई 50 करोड़ 47 लाख ऊं बत्ती मतदातावां ने गणना प्रपत्र बांट्या जा चुक्या है। चुणाव आयोग मुजब ईं चरण मांय भेळा कोई 51 करोड़ मतदातावां मांय ओ 99 फीसदी ऊं बत्ती है। मतदाता सूचियां रे एसआईआर रो दूजो चरण 4 नवम्बर ऊं राजस्थान समेत नौ राज्यां अर तीन केंद्र शासित प्रदेशां मांय सरू व्हेला। 7 फरवरी ने आखिरी वोटर लिस्ट रे छपण रे साथे ई आ प्रक्रिया पूरी व्हेला। राज्य मांय मतदाता सूची पुनरीक्षण कार्यक्रम जोर-शोर ऊं कर्यो जावे। सगळा जिला चुणाव अहलकार जिला रा पात्र मतदातावां ऊं बीएलओ ने ई काम मांय मदद करण री अरज कर रिया है। ई कड़ी मांय भीलवाड़ा जिला चुणाव अहलकार जसमीत सिंह संधु बतायो के एसआईआर सारू शहरी अर गांवाई हलकां मांय नुक्कड़ नाटकां री मार्फत जाग जगाई जावे।