देशभर मांय मंगलवार ने 10वां राष्ट्रीय आयुर्वेद दिवस मणायी ज्यो। राष्ट्रीय स्तर रो जळसो गोवा रा अखिल भारतीय आयुर्वेद संस्थान मांय राख्यी ज्यो। केंद्रीय आयुष अर स्वास्थ्य राज्यमंत्री प्रतापराव जाधव री मौजूदगी मांय आयुष मंत्रालय अर स्वास्थ्य अर परिवार कल्याण मंत्रालय री ओर ऊँ राख्यी ज्या ईं कार्यक्रम मांय जनता अर धरती सारू आयुर्वेद री भूमिका रा बारा मांय जाणकारी दीरीजी। ई मौके कैंसर री बीमारी रा ईलाज सारू एकीकृत ऑन्कोलॉजी इकाई रो उद्घाटन करी ज्यो। प्रदेश मांय ई आयुर्वेद दिवस रे मौके धन्वंतरी पूजा सागे भांत-भांत रा कार्यक्रम राख्यी ज्या। राजधानी जयपुर मांय राष्ट्रीय आयुर्वेद संस्थान री ओर ऊँ जनता रा बेहतर स्वास्थ्य अर जागरूकता सारू जयपुर अर आरे-सारे रा गांवाई हलकां मांय मुफ़्त शिविर लगायी ज्या अर आयुर्वेद जागरूरकता रैली निकाळी ज्यी। एन.आई.ए. रा कुलपति प्रोफेसर संजीव शर्मा जनता ऊँ बेहतर स्वास्थ्य सारू आयुर्वेद काम लेवण री अपील कीनी।