देशभर मांय मंगलवार ने पुलिस शहीद दिवस रे मौके ड्यूटी माथे शहीद व्ह्या पुलिस जवानां ने याद करी ज्या। ईं दौरान न्यारा-न्यारा कार्यक्रम व्ह्या। नुवी दिल्ली रा राष्ट्रीय समर स्मारक माथे व्ह्या जळसा मांय रक्षा मंत्री राजनाथ सिंह शिरकत करी। जळसा मांय बोलता वणा कह्यो के सेना अर पुलिस न्यारा-न्यारा मंचां माथे काम करे है, फेरू ई वां रो लगस एक ईं है अर वो है राष्ट्र री हिफ़ाजत बणायी राखणो। बणा सशस्त्र बलां अर पुलिस बलां ने देश री हिफा़जत रा थांबा बताया। कार्यक्रम मांय केंद्रीय गृह राज्य मंत्री बंडी संजय कुमार, गृह सचिव गोविंद मोहन अर ठावा पुलिस अहलकार ईं मौजूद रह्या। अठिने प्रदेश मांय ई व्ह्या जळसा रे दौरान केई कार्यक्रम राख्यी ज्या। जयपुर री राजस्थान पुलिस अकादमी मांय व्ह्या जळसा रे दौरान 191 शहीद पुलिसकर्मियां ने गार्ड ऑफ ऑनर दीरीज्यो। पुलिस महानिदेशक राजीव कुमार शर्मा एक सितम्बर 2023 ऊँ 31 अगस्त 2024 रा बगत मांय राष्ट्र सेवा मांय वीरगति व्ह्या आ जवानां रा योगदान ने याद कर्या। न्यारा-न्यारा ज़िला मांय पुलिस लाईन मांय व्ही जळसा आयोजित कर ने पुलिस कर्मियां रा बलिदान ने नमन करी ज्यो, साथै ईं स्वैच्छिक रक्तदान शिविर लगायी ज्या अर पौधे ई रोपीज्या।