देशभर मांय आवती पीढ़ी रा जीएसटी सुधार 22 सितम्बर सूं लागू व्हे ग्या है। नुवा कर ढांचा रे तैत, जीएसटी परिषद लारला दिनां अप्रत्यक्ष कर प्रणाली ने 5, 12, 18 अर 28 फीसदी री चार-स्लैब्स सूं सरल बणा र 5 अर 18 फीसदी री दो-स्लैब्स मांय बदल दियो है। जीएसटी सुधारां मांय सरकार न्यारा न्यारा हलकां रा करां मांय बड़ी कटौती कर आम आदमी ने राहत दी है। जीएसटी मांय कटौती सूं आम लोग, खासकर मध्यम वर्ग माथे माळी बोझ कम व्हेला अर इण सूं वां री बचत मांय इजाफो व्हेला। इण बीच नुवी जीएसटी दर रा पहला दिन आज जयपुर समेत प्रदेशभर रा बाजारां मांय खासी रौनक दिखाई दी। लोग आपरी जरूरत रा घरेलू अर इलेक्ट्रोनिक उत्पादां रे सागे गाड़ियां खरीदता नजर आया। उद्यम संगठन अर व्यापारी वर्ग भी सरकार री इण पहल सूं खासी उत्साहित है।