देवलोक व्ह्या ऊर्जा विभाग रा अतिरिक्त मुख्य सचिव आलोक रो सोमवार ने नई दिल्ली मांय दाग कर दियो ज्यो। लारला कुछ दिनां ऊं मांदा आलोक नई दिल्ली मांय वां रा रेहवास माथे आखिरी सांस लीनी। 1993 बैच रा आई.ए.एस. अहलकार आलोक ऊर्जा अर बुनियादी ढांचा विकास हलका मांय खास जाणकारी राखण वाळा मान्या जाता हा। वे बीकानेर, कोटा अर उदयपुर रा ज़िला कलेक्टर ई रह्या। राज्यपाल हरिभाऊ बागड़े वां रे देवलोक व्हेवण परां शोक जतायो है। मुख्यमंत्री भजनलाल शर्मा ई अतिरिक्त मुख्य सचिव आलोक रे देवलोक व्हेवण परां दुःख जताता थकां कह्यो के आई.ए.एस. अहलकार रा तौर ऊं वां रो काम कर्मचारियां ने प्रेरणा देतो रेहवेला। ऊर्जा राज्यमंत्री हीरालाल नागर ई श्री आलोक रे देवलोक व्हेवण ने दुःखद बतायो। वे कह्यो के ऊर्जा हलका मांय प्रदेश ने अगाड़ी बणावण सारू आलोक लगातार कोशिश कीनी।