देवलोक व्ही पैली वाळी केंद्रीय मंत्री अर कांग्रेस री आला नेता डॉ. गिरिजा व्यास रो शुक्रवार ने उदयपुर मांय दाग कर दियो ज्यो। इण मांय मोटी तादाद मांय जनता अर न्यारा-न्यारा नेता सिरकत कीनी। ईं मौके राज्य रा पैली वाळा मुख्यमंत्री अशोक गहलोत अर कांग्रेस रा प्रदेश अध्यक्ष गोविन्द सिंह डोटासरा समेत केई नेता ई मौजूद रह्या। डॉ. व्यास रा थावर ने गुजरात मांय अहमदाबाद रा एक गैर-सरकारी अस्पताल मांय देवलोक व्हे ग्यी ही। वे केंद्र अर राज्य मांय न्यारा-न्यारा महकमा री मंत्री रही। ईं सागे ई डॉ. व्यास राजस्थान प्रदेश कांग्रेस कमेटी री अध्यक्ष ई रही। वे राष्ट्रीय महिला आयोग री अध्यक्ष रहता थकां महिलावां रा भला सारू केई काम कीना।