दीपोत्सव रे तैत बुधवार ने प्रदेश मांय गोवर्धन पूजा अर अन्नकूट पर्व उमाव रे साथै मनाया जावे। गोवर्धन पूजा सारू सिरधालू गोबर ऊँ रीत मुजब गोवर्धन री मूरत बणायी अर आस्था रे साथै पूजा-अर्चना करी। इण रे पछे भेळी परिक्रमा ई करी। गोवर्धनजी री सात कोसीय परिक्रमा रा मार्ग मांय आवण वाळां डीग ज़िला रा पूंछरी का लौठा मांय संवारा ऊँ ई तिवार री रंगत दिखी। पाली मांय गोवर्धन पूजा रो आयोजन करी ज्यो। अलवर रा जगन्नाथ जी मंदिर मांय मूंग, चावल, बाजरा रा खास गोवर्धन पर्वत बणायी ज्या। साथै ही भजन कीर्तन रा कार्यक्रम व्ह्या। झुंझुनूं मांय संवारा ऊँ ई श्री कृष्ण मिन्दर मांय सिरधालूआं री भीड़ री। वठे ई सिरोही ऊँ म्हाणा खबरनवीस बतायो के ज़िला रा वासा गांव मांय बुधवार ने रीत मुजब गाय दौड़ रो आयोजन व्ह्यो। धौलपुर मांय गोवर्धन बणा र पूजा-अर्चना अर परिक्रमा करी ज्यी। साथै ई आतिशबाजी व्ही। बारां मांय ई गोवर्धन तिवार रीत मुजब मनायी ज्यो अर मिन्दरां मांय अन्नकूट राख्यी ज्यो। बुधवार ने अन्नकूट माथे जयपुर रा न्यारा-न्यारा मिन्दरां मांय प्रसाद ई बाटी ज्यो। पाली मांय 56 भोग री झांकी सजायी ज्यी। वठे ई चित्तौडगढ़ मांय ई रीत मुजब अन्नकूट रो आयोजन कर्यो जावे। कोटा, सलूम्बर, डूंगरपुर, झुंझुनूं मांय अन्नकूट रा व्यंजन बणायी ज्या अर प्रसाद बांटी ज्यो। काले भाई दूज रे साथे दीपोत्सव पूरण व्हे जायेला।