टी.बी. मुक्त राजस्थान कार्यक्रम रा तैत 27 जुलाई ऊं 31 जुलाई तांई निक्षय पोषण किट बांटण रो अभियान चलायो जावेला। चिकित्सा विभाग री प्रमुख शासन सचिव गायत्री राठौड़ बतायो के अभियान रा तैत टी.बी. रा मरीजां ने जनता री मदद ऊं खाण-पीण री पौष्टिक चीजां मुहैया करायी जावेला। चिकित्सा विभाग रा जन स्वास्थ्य निदेशक डॉ. रवि प्रकाश शर्मा शुक्रवार ने अभियान री तैयारियां रा बारा मांय वीडियो कॉन्फ्रेंसिंग रे जरिये अहलकारां सागे मीटिंग कीनी। डॉ. शर्मा ईं अभियान ने जनता रो आंदोलन बणावण बाबत् कह्यो।