झुंझुनूं ज़िला रा मंड्रेला मांय थावर ने जल संचय-जन भागीदारी, जन आंदोलन अभियान रा तैत खास कार्यक्रम राख्यी ज्यो, जिण मांय जल शक्ति मंत्री सीआर पाटिल ई मुख्यमंत्री भजनलाल शर्मा सागे शिरकत कीनी। ईं मौके झुंझुनू ज़िला रा प्रवासियां री ओर ऊं बोरवैल रो काम सरू करी ज्यो। कार्यक्रम मांय श्री पाटिल कह्यो के आखा देश मांय बिरखा रो पाणी बचावण सारू भामाशाहां अर समाजसेवियां री मदद ऊं ढांचा बणाया जा रह्या है। ईं मौके झुंझुनू ज़िला रा प्रवासियां री ओर ऊं आवता बगत मांय 10 हजार नुवी संरचनावां बणावण रो ऐलाण ई करी ज्यो। कार्यक्रम मांय मुख्यमंत्री भजनलाल शर्मा कह्यो के प्रदेश रा 40 हजार गांवां मांय बिरखा रो पाणी रोकण सारू ढांचा बणावण रा काम चाल रह्या है। वे बतायो के यमुना नदी रो पाणी लावण री परियोजना री डी.पी.आर. बणावण रो काम पूरो व्हे ग्यो है अर इण रो काम ईं साल दिसम्बर महीना तांई सरू करावण री कोशिश करी जा रही है। कार्यक्रम मांय पीएचईडी मंत्री कन्हैयालाल चौधरी कह्यो के सीकर अर झुंझुनूं ज़िलां रा हर घर तांई दो साल मांय कुंभाराम लिफ्ट कैनाल परियोजना रा तैत पीवण रो पाणी पूगा दियो जावेला।