जोधपुर रा आयुर्वेद विश्वविद्यालय री ओर ऊं अब दिसावर मांय ई आयुर्वेद डिग्री अर डिप्लोमा रा कोर्स चलाया जावेला। ईं सारू विश्वविद्यालय ने राज्य अर केंद्र सरकार ऊं मंजूरी मिल ग्यी है। अ कोर्स चलावण सारू विश्वविद्यालय यू.के. अर जर्मनी समेत केई परदेशी संस्थावां सागे करार कीना है। ईं रा तैत ऑनलाइन नाड़ी परीक्षण सर्टिफिकेट कोर्स, न्यूट्रा स्यूटिकल अर सौंदर्य प्रसाधन सरीखा मुद्दां माथे कोर्स चलाया जावेला। ईं सागे ई विश्वविद्यालय रा न्यारा-न्यारा महकमां मांय बुजुर्गां देखभाल ऊं जुड्या नुवा कोर्स चलाया जावेला, ज्यां मांय दसवीं पास लोग ई दाखिल ले सकेला।