जोधपुर मण्डल रा डेगाना-रतनगढ़ रेलखण्ड माथे इलेक्ट्रिक रेल रो संचालन सरू व्हे ग्यो है। इण रेल मारग माथे आज बान्द्रा-जम्मूतवी, विवेक एक्सप्रेस ने चलायो ग्यो। मण्डल रेल प्रबन्धक पंकज कुमार सिंह बतायो कि 150 किलोमीटर लम्बा इण रेला मारग रे गेले, अबे बेगी ही दिल्ली तांई इलेक्ट्रिक रेल चलायी जा सकेली। वणा बतायो कि जोधपुर मण्डल माथे संपूर्ण विद्युतिकरण रो काम लगेटगे पूरो व्हे ग्यो है। जोधपुर मारवाड जंक्शन, जोधपुर-बीकानेर अर लूणी-भिलड़ी रेल मारगां माथे भी इलेक्ट्रिक रेल सेवा चालू करी जा री है।