जोधपुर एयरबेस माथे चाल रह्या वायुसेना रा मेगा मल्टीलेटरल युद्धाभ्यास-तरंगशक्ति 2024 रा तैत आज हवाई करतबां रो कार्यक्रम राख्यी ज्यो। इण मांय वायुसेना रा जंगी जहाज़ अर सूर्यकिरण एरोबेटिक टीम प्रदर्शन कीनो। एयर शो मांय वायुसेना ऊं रिटायर व्ह्यो जंगी जहाज़ मिग-23 यूबी फ्लॉगर ई शामिल व्ह्यो। आज सूर्यकिरण टीम सागे लडाकू विमान सुखोई-30 एमकेआई रो ई प्रदर्शन राख्यी ज्यो। जगुआर, मिराज-2000 अर सी-130 विमान ई उड़ान भरी। सूर्यकिरण टीम रा हॉक जहाज़ करीब 300 किलोमीटर प्रति घंटा री रफ़्तार सागे वर्टिकल क्लाइम्ब अर दूजा स्टंट्स सागे ई तिरंगा रा केसरिया, धोळा अर हर्या रंग रा फॉर्मेशन मांय उड़ान भरी। अ जहाज़ आकाश मांय दिल री आकृति बणायी।