जैसलमेर ज़िला मांय जोधपुर हाईवे माथे थइयात हलका मांय मंगलवार ने एक गैर-सरकारी बस मांय लाय लाग जावण रे कारण केई लोगां रे झुलस जावण रा समाचार है। म्हाणा जैसलमेर खबरनवीस बतायो के जिला प्रशासन रा अहलकार तुरत मौके पूग र राहत रा काम सरू कराया। राज्यपाल हरिभाऊ बागड़े हादसा माथे गहरो दुःख जतायो है। मुख्यमंत्री भजनलाल शर्मा हादसा माथे गहरो दुःख जतायो। वे अहलकारां सागे बातचीत कर र हादसा री जाणकारी लीनी अर ज़रूरी हुकम दीना। हादसा री गंभीरता ने ध्यान राखता थकां मुख्यमंत्री जैसलमेर रवाना व्हे ग्या है। उपमुख्यमंत्री दिया कुमारी ईं हादसा माथे गहरो दुःख जतायो है। विधानसभा मांय विपख रा नेता टीकाराम जूली ई हादसा माथे दुःख जतायो है।