जैसलमेर जिला रा रामदेवरा मांय बाबा रामदेव रो मेळो 5 सितंबर ऊं सरू व्हेला। इण मांय शिरकत करण सारू मोटी तादाद मांय पैदल जातरू पूग रह्या है। जातरूआं सारू भोजन, पाणी अर ईलाज रा सुबीता मुहैया करावण री सगळी जरूरी व्यवस्थावां करीजी है। रेलवे ई मेळा मांय शिरकत करण बाबत् आवण वाळा जातरूआं रा सुबीता सारू जोधपुर ऊं आशापुरा गोमट टेशन तांई खास गाड़ी चलावण रो ऐलाण कीनो है। ईं रे अलावा भगत की कोठी टेशन ऊं रामदेवरा सारू दो मेळा स्पेशनल रेलगाड़ियां पैली ई चाल रही है।