जीएसटी री रेट मांय कटौती रो फायदो सीधो ग्राहकां तांई पूगावण सारू रेल मंत्रालय रेलगाड़ियां अर रेलवे परिसर मांय मिलण वाळा बोतल अर थैलियां मांय मिलण वाळा पाणी रा मोल मांय कटौती रो ऐलाण कीनो है। इण रे तैत, रेल नीर अर दूजा ब्रांड री एक लीटर पाणी री बोतल री कीमत पंद्रह रुप्या ऊं घटा र चौदह रुप्या कर दीरीजी है। आधा लीटर पाणी री बोतल रो मोल ई दस ऊं घटा र नौ रूप्या कर दियो ज्यो है। ईं महीना री 22 तारीख ऊं बोतलबंद पाणी नुवी कीमतां माथे मिलण लागेला। ध्यानजोग है के जीएसटी परिषद् 3 सितम्बर ने जीएसटी सुधारां रो ऐलाण कीनो हो। अ सुधार परसों ऊं लागू व्हे जावेला।