जीएसटी री रेट मांय ईं साल 22 सितंबर ऊं करी ज्यी कटौती पाछे अक्टूबर रा सकल वस्तु अर सेवा कर-जीएसटी संग्रह मांय लारला साल री तुलना मांय चार दशमलव छह फीसदी री बधोतरी व्ही है। जीएसटी री मद मांय भेळी करी ज्यी रकम बध र एक लाख 95 हजार करोड़ रुप्या ऊं बत्ती व्हे ग्यी। अक्टूबर मांय सीजीएसटी रे पेटे 36 हजार 547 करोड़ अर एसजीएसटी रे पेटे 45 हजार 134 करोड़ रुप्या भेळा करी ज्या। आईजीएसटी रे पेटे ई एक लाख छह हजार 443 करोड़ रुप्या भेळा व्ह्या।