जीएसटी परिषद हाल ही मांय जनता ने साता देवण री मंशा ऊं जी.एस.टी. री रेट ने युक्तिसंगत बणावण री मंजूरी दीनी है। ऑटोमोबाइल उद्योग मांय ई आं सुधारां ऊं लोगां ने घणी खुशी मिलेला। साढे तीन सौ सीसी ऊं कम बूता रा इंजन वाळा स्कूटर-मोटरसाइकिलां माथे जीएसटी री रेट 28 फीसदी ऊं कम कर र 18 फीसदी कर दीरीजी है। चार मीटर तांई लम्बी अर इंजन रा 12 सौ सीसी ऊं कम बूता वाळी पेट्रोल अर 15 सौ सीसी ऊं कम री डीजल कारां माथे जीएसटी री रेट 18 फीसदी कर दीरीजी है। ऑटोमोबाइल कारोबार ऊं जुड़्या भीलवाड़ा रा लोकेश जैन बतायो के इण ऊं जनता ने सीधो फायदो मिलेला।